சென்னை, நவ. 19–
மத்திய போதைப் பொருள் தடுப்புப் பிரிவு தெற்கு பகுதி துணை இயக்குநர் ஜெனரலாக ஐ.ஜி. சுதாகர் பதவியேற்றார்.
2003-ம் ஆண்டு ஐபிஎஸ் முடித்த ஆர்.சுதாகர், ராணிப்பேட்டை மற்றும் விருதுநகரில் உதவி காவல் கண்காணிப்பாளராக (ASP) தனது பணியைத் தொடங்கி, பின்னர் காவல் கண்காணிப்பாளராக பதவி உயர்வு பெற்றார். சென்னை அடையாறு மற்றும் புளியந்தோப்பில் துணை ஆணையராகப் பணியாற்றுவதற்கு முன்பு தர்மபுரி, புதுக்கோட்டை மற்றும் தஞ்சாவூர் மாவட்டங்களில் பணியாற்றினார். 2007-ம் ஆண்டு, துணை காவல் கண்காணிப்பாளராக (DIG) பதவி உயர்வு பெற்று, சென்னைப் பெருநகரக் காவல் துறையில் இணை ஆணையர் (வடக்கு), இணை ஆணையர் (போக்குவரத்து) மற்றும் இணை ஆணையர் (கிழக்கு) ஆகிய பதவிகளில் பணியாற்றினார். பின்னர் அவர் மதுரை சரகத்தின் டிஐஜியாகப் பணியாற்றினார், பின்னர் மேற்கு மண்டலத்தின் இன்ஸ்பெக்டர் ஜெனரலாக (ஐஜி) பதவி உயர்வு பெற்றார்.
சென்னை போக்குவரத்து காவல் கூடுதல் ஆணையராக பணியாற்றி வந்த ஆர்.சுதாகர் கடந்த மார்ச் மாதம் மத்திய போதைப்பொருள் தடுப்பு துணை இயக்குனர் ஜெனரலாக பதவி மாற்றம் செய்யப்பட்டார். இதைத் தொடர்ந்து அசாம் மாநில போதைப் பொருள் தடுப்பு பிரிவு துணை இயக்குனர் ஜெனரலாக பதவி வகித்து வருகிறார்.
இந்நிலையில் அவருக்கு போதைப்பொருள் கட்டுப்பாட்டு பணியகத்தின் (NCB) தெற்கு பகுதி துணை இயக்குநர் ஜெனரலாக (கூடுதல் பொறுப்பாக) நியமிக்கப்பட்டார். இதைத் தொடர்ந்து இன்று திருமுல்லைவாயிலில் உள்ள போதைப்பொருள் கட்டுப்பாட்டு பிரிவு அலுவகத்தில் பதவியேற்றுக் கொண்டார். அவருக்கு காவல்துறை உயர் அதிகாரிகள் போதைப்பொருள் கட்டுப்பாட்டு பிரிவு அதிகாரிகள் வாழ்த்துத் தெரிவித்தனர்.
