சென்னை, ஜூலை 22–
ஆபரணத் தங்கத்தின் விலை இன்று சவரனுக்கு ரூ.840 உயர்ந்து, ரூ74,280 க்கு விற்பனை செய்யப்படுகிறது.
சர்வதேச பொருளாதார நிலவரங்களுக்கு ஏற்ப இந்தியாவில் தங்கம் மற்றும் வெள்ளி விலைகளில் தொடர்ந்து ஏற்ற இறக்கங்கள் காணப்படுகின்றன. கடந்த சில நாட்களாகவே நிலைத்தன்மையற்றதாக இருந்த தங்கத்தின் விலை, நேற்று சவரனுக்கு ரூ.80 உயர்ந்து ரூ.73,440-க்கு விற்பனையானது. இந்த நிலையில், இன்றும் அதன் விலை கணிசமாக அதிகரித்துள்ளது.
சவரனுக்கு ரூ.840 உயர்வு
இன்றைய நிலவரப்படி, ஒரு கிராம் தங்கம் ரூ.105 உயர்ந்து ரூ.9,285-க்கு விற்பனையாகிறது. இதன் மூலம், ஒரு சவரன் தங்கம் ரூ.840 அதிகரித்து ரூ.74,280-க்கு விற்பனையாகிறது. இந்த அதிரடி விலை உயர்வு மக்களிடையே சற்று அதிர்ச்சியை ஏற்படுத்தியுள்ளது.
இதனை தொடர்ந்து வெள்ளி விலையும் இன்று உயர்ந்துள்ளது. கிராமுக்கு ரூ.2 உயர்ந்து ஒரு கிராம் வெள்ளி ரூ.128-க்கு விற்பனை செய்யப்படுகிறது. ஒரு கிலோ பார் வெள்ளி ரூ.2,000 உயர்ந்து 1 லட்சத்து 28 ஆயிரம் ரூபாய்க்கு விற்பனை செய்யப்படுகிறது.
