சென்னை, அக். 16–
தமிழக சட்டசபைக்கு இன்று அண்ணா தி.மு.க. எம்.எல்.ஏ.க்கள் ‘‘கிட்னிகள் ஜாக்கிரதை’’ என்று எழுதி இருந்த பேட்ஜ் அணிந்து வந்திருந்தனர்.
தமிழக சட்டசபை கூட்டம் 14–ந் தேதி தொடங்கி நடந்து வருகிறது. நேற்று 2வது நாள் கூட்டத்திற்கு வந்த அண்ணா தி.மு.க. உறுப்பினர்கள் கரூர் சம்பவம், கிட்னி திருட்டை கண்டித் கருப்பு கையில் கைப்பட்டை அணிந்து வந்திருந்தனர்.
3வது நாளான இன்று சட்டசபைக்கு அண்ணா தி.மு.க. எம்.எல்.ஏ.க்கள் ‘‘கிட்னிகள் ஜாக்கிரதை’’ என்று எழுதி இருந்த பேட்ஜ் அணிந்து வந்திருந்தனர். கிட்னி மோசடியில் உரிய விசாரணை நடத்தாமல் அலட்சியமாக செயல்படும் திமுக அரசை கண்டிப்பதாக கூறி, இந்த பேட்ஜ் அணிந்து இருப்பதாக அண்ணா தி.மு.க.வினர் தெரிவித்தனர்.
