ஐதராபாத், ஜூலை 13–
பிரபல வில்லன் நடிகர் கோட்டா சீனிவாச ராவ் (வயது 83) இன்று உடல் நலக்குறைவால் காலமானார்.
பிரபல வில்லன் நடிகர் கோட்டா சீனிவாச ராவ் (வயது 83) உடல் நலக்குறைவு காரணமாக காலமானார். ஆந்திராவைச் சேர்ந்த பிரபல நடிகரான கோட்டா சீனிவாச ராவ் தெலுங்கில் பல படங்களில் குணசித்திர வேடத்திலும் வில்லன் கதாபாத்திரத்திலும் நடித்து பிரபலமானவர்.
‘சாமி’ பட வில்லன்
கடந்த 2003-ம் ஆண்டு ஹரி இயக்கத்தில் விக்ரம் நடிப்பில் வெளியான படம் ‘சாமி’. இந்த படத்தில் ‘பெருமாள் பிச்சை’ என்ற வில்லன் கதாபாத்திரத்தில் சிறந்த நடிப்பை வெளிப்படுத்தினர். இவர் தெலுங்கு, தமிழ் உள்ளிட்ட மொழிகளில் 750க்கும் மேற்பட்ட படங்களில் நடித்து மக்கள் மனதில் நீங்கா இடம் பிடித்துள்ளார்.
இந்த நிலையில் கோட்டா சீனிவாச ராவ் (வயது 83) சில மாதங்களாக உடல்நலகுறைவால் சிகிச்சை பெற்று வந்த நிலையில் இன்று காலை காலமானார். இவரது மறைவு திரையுலகினர் மற்றும் ரசிகர்களை அதிர்ச்சியடைய வைத்துள்ளது.
