சென்னை, நவ. 17:
ஆர்.எம். டி. பொறியியல் கல்லூரியின் 34வது முன்னாள் மாணவர் சந்திப்பு சென்னையில் உள்ள கே.எம் ஸ்பெக்ட்ராவில் சிறப்பாக நடத்தப்பட்டது.
முன்னாள் மாணவர் சங்கத் தலைவர் பி. பிரவீனா வரவேற்புரை நிகழ்த்தினார். கணினி பொறியியல் துறை பேராசிரியர் மற்றும் முன்னாள் மாணவர் சங்க செயலாளர் ஆர். சசிகுமாரின் வருடாந்திர அறிக்கை வாசித்தார். பல்வேறு துறைகளின் தலைவர்கள் தங்கள் துறைகளில் நடந்து வரும் முன்னேற்றங்கள் குறித்த முக்கிய நுண்ணறிவுகளைப் பகிர்ந்து கொண்டனர்.
நிறுவனர் தலைவர் ஆர். எஸ். முனிரத்தினம், தமது தலைமை உரையில், கல்லூரி வளர்ச்சிக்கு முன்னாள் மாணவர்களின் பங்களிப்பு மிக முக்கியம் என்பதை வலியுறுத்தினார். அவர் அனைவருக்கும் தனது நெஞ்சார்ந்த நன்றியைத் தெரிவித்துக் கொண்டார். ஒரு காலத்தில் சிறந்த மாணவர்களாக இருந்தவர்களை இன்று முக்கியத் தொழில் முனைவோராகவும், பல்வேறு நிறுவனங்களில் உயர்ந்த நிலைகளில் இருப்பவர்களாகவும் காணும் இந்த வாய்ப்பை வழங்கியதற்கு அவர் மனமார்ந்த நன்றியை தெரிவித்துக் கொண்டார்.
துணைத் தலைவர் ஆர்.எம். கிஷோர், கூட்டத்தில் உரையாற்றுகையில், முன்னாள் மாணவர்கள் நிறுவனத்தின் மதிப்புகளை முன்னெடுத்துச் செல்வதிலும், அதன் தொடர்ச்சியான வளர்ச்சி மற்றும் நற்பெயருக்கு பங்களிப்பதிலும் எவ்வாறு முக்கிய பங்கு வகிக்கிறார்கள் என்று வலியுறுத்தினார்.
சிறப்பு விருந்தினர்களில் கல்லூரி முதல்வர் என்.அன்புச்செழியன் மற்றும் ஆராய்ச்சி மேற்பார்வையாளர் கே. கே. தியாகராஜன் தங்கள் வாழ்த்துகளைத் தெரிவித்தனர். செயலாளர் யலமஞ்சி பிரதீப், ஆலோசகர்கள் வி. மனோகரன், டி. பிச்சாண்டி ஐ.ஏ.எஸ் (ஓய்வு) மற்றும் எம். எஸ். பழனிச்சாமி ஆகியோர் தங்கள் வாழ்த்துகளை வழங்கினர். கல்லூரியின் 17ஆம் ஆண்டு செய்திமடல் “நாஸ்டால்ஜியா 2025” வெளியீடு உற்சாகமாக நடைபெற்றது.
பல சாதனை படைத்த முன்னாள் மாணவர்களில் உதவி சூப்பிரண்ட் ஆப் போலீஸ் ராகுல் வி. கோபாலுக்கு “புகழ்பெற்ற முன்னாள் மாணவர் விருது” வழங்கப்பட்டது. முன்னாள் மாணவர் என். கிருஷ்ணகுமார் நன்றியுரையாற்றினார்.
